ඇමරිකානු ජින්සෙන්ග් (Panax quinquefolis) සාම්ප්‍රදායික චීන වෛද්‍ය විද්‍යාව ඇතුළු සාම්ප්‍රදායික වෛද්‍ය විද්‍යාවේ ඖෂධ පැළෑටියක් ලෙස බහුලව භාවිතා වේ. ජින්සෙන්ග් යන නම සෑදී ඇත්තේ චීන ඖෂධ පැළෑටි යෙදුම වන ජෙන්-ෂෙන් (jen-shen) යනුවෙනි. එය නැගෙනහිර උතුරු ඇමරිකාවට ආවේණික වන අතර එය චීනයේ ද වගා කෙරේ. ඇමරිකානු ජින්සෙන්ග් ශාකය උසින් අඟල් 6 සිට 18 දක්වා (සෙ.මී. 15 සිට 46 දක්වා) වැඩෙන අතර සාමාන්‍යයෙන් කොළ තුනක් දරා සිටියි.

18 වන ශතවර්ෂයේ සිට ඇමරිකානු ජින්සෙන්ග් මූලික වශයෙන් ආසියාවට අපනයනය කර ඇති අතර එහි ඇති සිසිලන සහ අවසාදිත ඖෂධීය බලපෑම් නිසා එය මිනිසුන් අතර බෙහෙවින් ජනප්‍රිය වී ඇත.

ඇමරිකානු වල් ජින්සෙන්ග්ට ඉහළ ඉල්ලුමක් පවතින අතර එය එක්සත් ජනපදයේ සමහර ප්‍රාන්තවල තර්ජනයට ලක්වූ සහ වඳවීමේ තර්ජනයට ලක්ව ඇති ශාක විශේෂයක් ලෙස ප්‍රකාශයට පත් කර ඇත.

මානසික ආතතිය, ප්‍රතිශක්තිකරණ පද්ධතිය ඉහළ නැංවීම සහ උත්තේජකයක් ලෙස මිනිසුන් ඇමරිකානු ජින්සෙන්ග් භාවිතයට ගනී. ඇමරිකානු ජින්සෙන්ග් සෙම්ප්‍රතිශ්‍යාව, උණ, දියවැඩියාව සහ තවත් බොහෝ රෝග තත්වයන් සඳහා භාවිතා කරයි.

සමහර සිසිල් බීම වල අමුද්‍රව්‍යයක් ලෙස ඇමරිකානු ජින්සෙන්ග් ලැයිස්තුගත කර ඇත. ඇමරිකානු ජින්සෙන් වලින් සාදන ලද තෙල් සහ සාරය සබන් හා ආලේපන සඳහා යොදා ගනී. ඇමරිකානු ජින්සෙන්ග්, ආසියානු ජින්සෙන්ග් (Panax ginseng) හෝ එලියුටෙරෝ (Eleutherococcus senticosus) සමඟ පටලවා නොගන්න. ඒවාට එකිනෙකට වෙනස් බලපෑම් ඇත.

එය ක්‍රියාත්මක වන්නේ කෙසේද?

ඇමරිකානු ජින්සෙන්ග් හි ජින්සෙනොසයිඩ් (ginsenosides) නම් රසායනික ද්‍රව්‍ය අඩංගු වන අතර එය ශරීරයේ ඉන්සියුලින් මට්ටමට බලපාන අතර රුධිරයේ සීනි මට්ටම අඩු කරයි. පොලිසැකරයිඩ ලෙස හඳුන්වන වෙනත් රසායනික ද්‍රව්‍ය ප්‍රතිශක්තිකරණ පද්ධතියට බලපායි.